პროეტები
“GAFE - საქართველოს თანასწორობის ასოციაციის“ ორგანიზებით, ჩატარდა ინტენსიური გასვლითი ტრენინგ-კურსი დაბა ბაკურიანში - „თანასწორობის სკოლა“. პროექტი მიზნად ისახავდა ახალგაზრდა ლიდერების გადამზადებას, მათი ახალი უნარ-ჩვევებით აღჭურვასა და გაძლიერებას საუნივერსიტეტო სივრცეში გენდერული თანასწორობის მიღწევისთვის. 40-მა სტუდენტმა მიიღო სიღრმისეული ინფორმაცია გენდერული თანასწორობის შესახებ, განივითარეს ლიდერული უნარ-ჩვევები და გაეცნენ გენდერული მიმართულებით ჩატარებულ კვლევებსა და სტატისტიკურ მონაცემებს. ახალგაზრდებმა გაიარეს სხვადასხვა ტრენინგები, მაგალითად: გენდერული თანასწორობა - არსებული რეალობა, სტერეოტიპები და მათი გავლენა ინდივიდზე და ეფექტური კომუნიკაცია. სესიებს უძღვებოდნენ მოწვეული ტრენერები: თეა ბულია, ტატა ბერია და ნინო გოგოხია. წარმატებული მონაწილეები შემოუერთდნენ “საქართველოს თანასწორობის ასოციაციის” გუნდს და ჩაერთვნენ საუნივერსიტეტო “თანასწორობის კლუბების“ საქმიანობაში.
ფოტო-ვიდეო კონკურსი
''უთანასწორობა ყოველდღიურობაში''
2022 წელი , 1 მაისი - 10 ივნისი
გამოფენა/ფორუმი - "უთანასწორობა" 10 ივნისს თბილისის სახელმწიფო უნივერსიტეტის მუზეუმში ჩატარდა. ღონისძიების ფარგლებში წარმოდგენილი იყო GAFE-ს ფოტო/ვიდეო კონკურსში "უთანასწორობა ყოველდღიურობაში" ჩართული სტუდენტების ნამუშევრები.
ფოტო - ვიდეო კონკურსში - „უთანასწორობა ყოველდღიურობაში“ საქართველოში მოქმედი უნივერსიტეტების ყველა საფეხურის სტუდენტები ჩაერთვნენ. კონკურსის ფარგლებში, მონაწილეებმა ფოტოებისა და ვიდეოების მეშვეობით აღბეჭდეს ყოველდღიურ ცხოვრებაში დამკვიდრებული გენდერული უთანასწორობა ან დისკრიმინაციული დამოკიდებულება უმცირესობათა წარმომადგენლების მიმართ, მიღებული მასალა კი აიტვირთა GAFE-ს ფეისბუქ გვერდზე, სადაც ერთი კვირის განმავლობაში კონკურსანტებს შესაძლებლობა ჰქონდათ დაეგროვებინათ „მოწონებები“. ნამუშევრებზე მიღებულ გამოხმაურებაზე (მოწონებებზე) დაყრდნობით გამოვლინდნენ I, II და III ადგილოსნები. კონკურსის გამარჯვებულები სერტიფიკატებითა და საპრიზო გრანტებით საჯაროდ 10 ივნისს, GAFE-ს მიერ ორგანიზებულ ღონისძიებაზე დაჯილდოვდნენ.
10 ივნისს გამოფენა/ფორუმს ასევე ესტუმრნენ პროექტის, E-PSY-ს წარმომადგენლები და მოწვეული ფსიქოლოგები. მათ პანელური შეხვედრის ფორმატში ისაუბრეს ახალგაზრდების წინაშე არსებულ მენტალურ გამოწვევებსა და უმაღლეს სასწავლებლებში სტუდენტებისათვის ფსიქოლოგიური დახმარების ცენტრების გახსნის აქტუალობასა და მნიშვნელობაზე.
 |  |  |
|---|---|---|
 |  |  |
 |  |  |
 |  |  |
 |  |
საქართველოს თანასწორობის ასოციაციის ორგანიზებით, 2022 წლის 8 მაისს, GAFE-ს წევრები ერთდღიანი, გასვლითი სოციალური ტურის ფარგლებში, ანანურის ციხეს, შიო მღვიმესა და სამთავროს მონასტრებს ესტუმრნენ. რეკრეაციული აქტივობა გუნდის მშენებლობას, ურთიერთპატივისცემაზე დამყარებული ურთიერთობების ჩამოყალიბებასა და იდეების გენერირების პროცესის ხელშეწყობას ემსახურებოდა.
კამპანია #AllForYouth ფარგლებში განხორციელდა და ახალგაზრდებს აძლევს შესაძლებლობას გაიცნონ მათთვის დასასაქმებლად სასურველ ორგანიზაციებში არსებული სამუშაო დინამიკა. აღნიშნული მიზნით თანასწორობის კლუბების წარმომადგენლებთან ერთად ვეწვიეთ თბილისის საკრებულოსა და საქართველოს გენერალურ პროკურატურას, სადაც ახალგაზრდებმა ორგანიზაციების თანამშრომლებთან ერთად გაიცნეს ადგილზე არსებული სამუშაო დინამიკა.